Камбікормавая вытворчасць

«ПРАЦАВАЦЬ ЭФЕКТЫЎНА НА ВЫНІК»

 - дэвіз калектыва камбікормавай вытворчасці

 У канцы снежня 2015 года завяршылася будаўніцтва камбікормавага завода на ААТ «Віцебская бройлерная птушкафабрыка», у лістападзе 2016 года камбікормавы завод уведзены ў эксплуатацыю з выхадам на праектныя магутнасці.

Тэхналагічны працэс вытворчасці камбікармоў складаецца з асобных тэхналагічных ліній:
    
прыём і складаванне сыравіны з чыгуначнага і аўтамабільнага транспарту;    
захоўванне і ачыстка сыравіны;    
прыём, захоўванне і загрузка тарнай сыравіны;   
прыём і складаванне вадкіх кампанентаў;    
лінія падрыхтоўкі збожжавай сыравіны;    
лінія падрыхтоўкі шротаў і грануляванай сыравіны;    
лінія падрыхтоўкі тарнай сыравіны;    
лінія дазавання;    
лінія драбнення і змешвання;    
лінія гранулявання - 2 прэс-гранулятара (прапарванне камбікорму, прасаванне ў гранулы, астуджэнне гранул, драбненне гранул пры выпрацоўцы крупкі, сартаванне крупкі);    
лінія экспандзіравання (экспандаванне камбікорму, ахаладжэнне экспандата, драбненне і сартаванне);    
лінія нанясення вадкіх дабавак метадам напылення (масел, тлушчу, ферментаў, араматызатараў, амінакіслот і інш.);    
лінія гатовай прадукцыі (фасоўка ў мяшкі);    
захоўванне і водпуск гатовай прадукцыі.

Пытанням якасці на камбікормавым заводзе надаецца першараднае значэнне. Кантроль ажыццяўляецца на ўсіх стадыях вытворчасці: уваходны кантроль сыравіны, вытворчасць гатовай прадукцыі, працэс захоўвання сыравіны і гатовай прадукцыі, водпуск прадукцыі спажыўцу, пры гэтым выкарыстоўваюцца самае сучаснае абсталяванне і метады кантролю якасці.

Прымяненне сучасных інавацыйных тэхналогій і абсталявання дало магчымасць заводу вырабляць толькі якасную і бяспечную прадукцыю, пашыраць асартымент прадукцыі, зніжаць негатыўнае ўздзеянне на навакольнае асяроддзе, ствараць бяспечныя ўмовы працы.